Сите сме сведоци на сè поскапата храна на пазарот, а некогаш не сме зигурни и во нејзиниот квалитет. Па, можеби е време да размислите за сопствената градина.

И не, не ви треба голема нива или градина за да си засадите овошје и зеленчук, вашиот балкон ќе е доволен доколку имате волја и труд.

За вашите плодови да напредуваат, балконот не треба да гледа на север, па најдобро е да садите на балкон свртен кон југ.

Можете да одгледувате многу зеленчук и овошје во тегли. Можете да садите јагоди, рибизли, домати, пиперки, блитва, зелена салата, боранија, краставици, мандарини, босилек, рузмарин, мајчина душица, чили и многу повеќе.

Ако сте почетник, најдобро е да започнете со домати бидејќи тие не бараат многу, важно е само редовно да ги полевате. Најдобро е да се засади во пластични садови, бидејќи тие нема да ја впијат водата што треба да биде наменета за доматите.

Ако сакате да имате домати од вашиот сопствен балкон, важно е вашиот балкон да има доволно сонце и ќе уживате во плодовите цело лето. Најдобро е да се засади сортата шери домати, која ќе порасне и до 30 см.

Садот во кој ќе ги засадите доматите наполнете го со земја и компост, а кога растението ќе почне да расте, закачете дрвено стапче и врзете го стебленцето. За да обезбедите многу домати, треба периодично да ја прихранувате почвата, околу еднаш месечно.

Добра идеја е првпат да се прихрани почвата со доматите кога ќе се развијат првите плодови, а кога ќе почнат да созреваат, ќе биде време за втора прихрана. Висококвалитетниот органски компост ќе биде најдобар за ова. Зрелите плодови најдобро се сечат со ножици рано наутро или навечер.