Душан Тадиќ кариерата ја продолжува во Обединетите Арапски Емирати! Иако се поврзуваше со враќање во српскиот фудбал и имаше понуди од Црвена звезда и Војводина, искусниот репрезентативец сепак го избра клубот Ал Вахда од Абу Даби.

Според тамошни извори, Тадиќ ќе потпише договор на една година со опција за продолжување до 2027 година. Се шпекулираше и за интерес од Атлетико Мадрид и Бенфика, но клубот од ОАЕ бил најконкретен.

Ал Вахда е поранешен четирикратен шампион на ОАЕ, но последната титула ја освои во 2010 година. Тадиќ ќе се обиде да го врати тимот на старите патеки на успех.

Тој во кариерата играше за Војводина, Гронинген, Твенте, Саутемптон, Ајакс и Фенербахче, а за Србија има 111 настапи и 23 гола.