Есад Рахиќ, директор на КПУ – Скопје во „Утрински брифинг“ на „Слободна ТВ“ зборуваше околу подоготвеноста на овој затвор да се справи со вирусот.

-Од она што јас како искуство го имам, уште пред да се појави првиот пациент, се слушнав со министерот Филипче и констатиравме дека не е прашање дали ќе се појави вирусот туку кога. Од таму одговорија експрено и ни испратија материјали за превенирање, изјави Рахиќ.

Тој кажа дека во соработка со Управата за санкции е подигнато нивото на заштита, но дека иако секој затвореник влезен во затворот се прегледува од доктор, во овие околности тоа не е доволно.

Околу укинувањето на посетите, Рахиќ вели дека сето тоа треба да се подигне на повисоко ниво и да се одлучи околу оваа проблематика.

-Во секојдневна комуникација сме со надлежните институции. Ги едуцираме бројот на посети. Но во ваков затворен систем еднаш ако се појави Корона, не сакам ни да помислам што би се случило, рече Рахиќ.