Фудбалерот Игор Којиќ, кој на јавноста ѝ е познат како поранешниот сопруг на пејачката Северина Вучковиќ, раскина со актерката Теодора Бјелица по неколкумесечна врска, објави српскиот медиум „Курир“.

Како што дознаваат српските медиуми од добро упатен извор, тие двајца неодамна раскинале и оттогаш немаат контакт. Оние кои се упатени во целата приказна тврдат дека тие имале различни интереси и многумина од нивното окружување се изненадени што издржале толку долго заедно.

„Игор и Теодора раскинаа пред неколку недели. Иницијатор беше Теодора, која сфати дека тој не е за неа. Тоа ѝ го велеа сите пријатели, но таа беше навистина заљубена во него. Сепак, со текот на времето почнаа несогласувањата, а таа сфати дека Игор не сака сериозна врска и дека не е за неа. Сето тоа почна да ја гуши. Седна со него и му објасни дека е најдобро да направат пауза. Игор не беше баш среќен, но се согласи со нејзината одлука. Не патеше долго време, веќе почна да излегува со неговото друштво. Баш се опушти, па нема да биде изненадување ако наскоро најде нова девојка“, изјавил изворот за „Курир“.

Во интервју за српското издание на „Стори“, и самата Бјелица признала дека ја прекинала врската со Којиќ.

„Едноставно, не се поклопивме. Со текот на годините научив да не губам време на луѓе и врски кои не ми одговараат. Си заминувам без ‘зла крв’ и на таа личност ѝ посакувам сѐ најдобро“, изјавила актерката.

Како потсетување, Игор Којиќ и Теодора Бјелица почнаа да се состануваат кон средината на јануари годинава, кога заедно отпатуваа на зимување во Копаоник.

Претходно, Којиќ беше во брак со хрватската поп-ѕвезда Северина Вучковиќ, од 2015 до 2021 година.

ФОТО | Игор Којиќ ја замени Северина со оваа српска актерка