Веќе два часа граѓаните кои пазарат во дуќаните не може да ги платат своите производи со картичките на Стопанска банка. Некои од нив ги оставаат производите и брзаат до првите банкомати, од кои исто така не може да извадат пари. „Неуспешна трансакција“, пишува на дисплјот на некој од банкоматите на Банката, доколку се обидете да подигнете пари. Од Контакт центарот само кусо ни рекоа дека имаат проблем и дека се работи на негово отстранување, но не знаеја да кажат до кога ќе трае. Пари може да се извадат на шалтер со провизија.

На веб страната на Стопанска банка АД Скопје нема никакво известување. Последен пат Банката објавила дека од сабота 15.03 до недела 16.03, ќе се спроведува планирана активност која засега дел од информатичките системи. Со цел изведување на активностите, во прекин ќе бидат услугите електронско и мобилно банкарство во голем дел од посочените датуми, додека мрежата на банкомати ќе биде целосно во употреба со сите свои функционалности.

По едночасовниот прекин проблемот е надминат и банкоматите и постерминалите сега работат нормално.