Дали вашиот омилен пудинг од чија семе ги прави вашите лекови повеќе или помалку ефикасни? Еве што треба да знаете.

Чија семето е моќно и богато со хранливи материи. Тоа обезбедува дополнителна доза на витамини, минерали, здрави масти и влакна со која било храна со која се комбинира. Но, мора да бидете многу претпазлви ако земате некои групи лекови, а еве и зошто…

Чија семето е добар растителен извор на полинезаситени масни киселини, вклучително и омега-3 масни киселини, кои благотворно дејствуваат во намалувањето на крвниот притисок, подобрување на нивоата на холестеролот и намалувањето на воспаленијата.

Исто така е добар извор на антиоксиданти кои ги штитат клетките од оштетувања поврзани со хроничните болести.

Тие се богати со растворливи влакна и формираат супстанција слична на гел кога ќе дојдат во контакт со течност – затоа пудингот од чија семе е толку кремаст.

Поради содржината на влакна – 28 грама семки содржат 10 грама влакна – чија семето може да помогне да се зголеми ситоста, да се намали ЛДЛ холестеролот и да се подобри варењето.

Лекови за крвен притисок

Антиоксидантите и пептидите што се наоѓаат во чија семето можат да дејствуваат како природен AЦЕ инхибитор (вообичаена класа на лекови за намалување на крвниот притисок) за да го намалат крвниот притисок и да го подобрат здравјето на срцето.

Тоа е придобивка само по себе, но јадењето чија семе додека земате антихипертензивни лекови може да го намали вашиот крвен притисок повеќе од очекуваното.

Антикоагуланти и антитромбоцитни лекови

Чија семето може да има антитромбоцитни својства, кои го спречуваат навлегувањето на згрутчувањето во крвотокот.

Тоа е добра вест за намалување на ризикот од срцев и мозочен удар, но може да биде премногу ако се лекувате и со лекови против згрутчување, што може да го зголеми ризикот од крварење. „Ако земате антикоагуланси или антитромбоцитни лекови, бидете внимателни“, вели фармацевтот Роналд Смит.

Лекови за дијабетес

Чиа семињата се добар избор доколку сакате да го контролирате шеќерот во крвта, бидејќи нивните влакна помагаат во забавување на варењето.

Постојат докази дека чиата може да помогне во намалувањето на скокот на шеќерот во крвта што се јавува после оброк, а може да се користи и за лекување на дијабетес поради неговите антиоксидантни и антиинфламаторни својства.

Меѓутоа, ако земате лекови за лекување на дијабетес, како што е инсулинот, внимавајте како шеќерот во крвта реагира на оброците и грицките што содржат чиа бидејќи чиата може премногу да го намали шеќерот во крвта.

„Ако јадете чиа и земате инсулин, проверете кај вашиот лекар бидејќи можеби ќе треба да ја прилагодите дозата“, вели Роберт Греам, лекар за интерна и интегративна медицина и основач на Центарот Fresh Medicine.

Ефекти на чиа семето врз апсорпцијата на лекот

Општо земено, бидејќи чиа семето има потенцијални својства за намалување на крвниот притисок, антитромбоцитни и намалување на шеќерот во крвта, може да има дополнителни ефекти помеѓу чиа семето и лековите кои ги третираат овие состојби.

Со други зборови, вашиот крвен притисок или шеќер во крвта може да паднат премногу ниско кога ќе ги комбинирате двете.

Во однос на апсорпцијата на лекот, важно е да се запамети дека чиата е исклучително богата со влакна. Во некои случаи, можете да добиете повеќе влакна од јадење чиа отколку од порција додатоци со растителни влакна, во зависност од тоа колку чиа јадете.

А влакната можат да ја забават апсорпцијата на одредени лекови.

Ако јадете многу чиа на редовна основа, прашајте го вашиот лекар дали треба да имате пауза помеѓу оброкот кој содржи чиа и земањето лекови.

Мерки на претпазливост и препораки

Ако земате некој од горенаведените лекови и сакате да вклучите чиа семе во вашата исхрана, има неколку работи што треба да ги земете предвид.

Прво и основно, консултирајте се со вашиот лекар кога правите значајни промени во вашата исхрана, вклучително и земање додатоци.

Можете исто така да разговарате со вашиот локален фармацевт за какви било интеракции на храна и лекови што може да ги сретнете со вашите тековни лекови, лекови без рецепт или додатоци во исхраната.

Не срамете се да прашате дали чиа семето е безбедно за вас. Ако никогаш претходно не сте јаделе чиа или не сте го јаделе откако сте почнале да земате некој од горенаведените лекови, Греам препорачува „да започнете со малку и да одите бавно“.

Консумирајте мала количина чиа семе и постепено зголемете го внесот на ниво што можете да го толерирате без проблеми.