Црвениот крст денес предупреди за невозможноста за безбедно спроведување на масовна евакуација на Појасот Газа, додека Израел ја интензивира опсадата на градот како подготовка за голема офанзива против палестинскиот Хамас, пренесе „Бета“.

Невозможно е масовната евакуација на Појасот Газа да се спроведе безбедно и достоинствено под сегашните услови, изјави Мирјана Сполјариќ, претседателка на Меѓународниот комитет на Црвениот крст (МКЦК).

Илјадници жители веќе го напуштија градот, кој се наоѓа на север од територијата и каде, според проценките на ОН, живеат речиси милион луѓе.

По речиси 23 месеци војна што го опустоши Појасот Газа, евакуацијата на градот Газа „би довело до масовно раселување на населението што ниту еден дел од Појасот Газа не би можел да го прифати“, додаде Сполјариќ

И покрај растечкиот притисок од странство и во Израел за прекин на војната, владата на премиерот Бенјамин Нетанјаху има намера да продолжи со својата офанзива во Појасот Газа, а на армијата ѝ е наредено да се подготви за целосен напад врз градот Газа.