Колонија на дабари ги изненади официјалните лица во Чешка со изградба на брана која инаку би чинела повеќе од милион долари.

Владините претставници во регионот Брди, наводно, добиле одобрение да доделат 30 милиони круни (околу 1,2 милиони американски долари) за проектот, кој е наменет како решение за проблемите со водата во заштитено подрачје.

По седум години, официјалните лица не можеле да добијат дозволи за продолжување на изградбата на браната. Но, едно утро се разбудиле и откриле дека осум глодари веќе ја завршиле работата. Имено, осум дабари ја завршиле браната што властите во Чешка не успеале да ја завршат за седум години.

„Управата за шумарство и сливот на реката Влтава меѓусебно преговараа за поставување на проектот и за решавање на прашањето за сопственоста на земјиштето. Дабарите ги престигнаа, заштедувајќи ни 30 милиони круни“, рекол Бохумил Фишер, шеф на Управата за заштитени подрачја Брди.

„Браните ги изградија без никаква проектна документација и бесплатно“, додал тој.

„Иако откритието беше направено преку ноќ, на дабарите веројатно им требало повеќе од еден ден да ја завршат структурата“, изјавил Герхард Шваб, менаџер на дабар за јужна Баварија, за „Нешнал географик“.

Шваб вели дека верува дека изградбата траела неколку недели и дека никој не ја забележал работата додека не била завршена.

Иако владата одобри 1,2 милиони долари за браната, проектот беше стопиран по седум години бидејќи властите не добија градежни дозволи. Луѓето беа изненадени од тоа колку брзо дабарите ја завршија структурата.

„Добар пример за владиното расипништво. Се влечат и наплаќа богатство за нешто толку едноставно“; „Тоа е и смешно и страшно”; „Дабарите би биле поефикасни во владините улоги, Господ да ги благослови дабарите!“, беа некои од реакциите на корисниците на социјалните мрежи за оваа вест.