Фудбалерите на Болоња приредија изненадување и со минимални 1-0 го совладаа Милан во финалето на Купот на Италија, освојувајќи го трофејот по цели пет децении.

Херој на натпреварот беше Ндоје, кој во 53. минута го постигна единствениот погодок на натпреварот, доволен за триумф и трета титула во историјата на клубот во ова натпреварување. Претходно, Болоња беше победник во сезоните 1969/70 и 1973/74. Интересен податок е дека тимот од Емилија-Ромања останува непоразен во финалните натпревари на Купот, секогаш кога стигнувал до завршната пресметка, го подигнувал трофејот.

Финалето започна со отворена игра од двете страни, нешто што ретко се гледа во вакви натпревари, но и покрај неколкуте шанси, мрежите мируваа во првото полувреме.

Во второто полувреме, Ндоје ја искористи една од ретките шанси на Болоња и донесе огромна радост на навивачите, кои со нетрпение чекаа ново финале и нова титула по половина век.

🚨🇮🇹 GOAL | AC Milan 0-1 Bologna | Dan Ndoye

DAN NDOYE OPENS THE SCORING FOR BOLOGNA IN THE COPPA ITALIA FINAL !!!!!!!!!!!!!!!!!!!!!!pic.twitter.com/Sm4NgOOmAQ

— Tekkers Foot (@tekkersfoot) May 14, 2025