Популарните „Чкембари“ од Битола денеска го прославуваат 35 роденден, на денешен ден е формирана оваа навивачка група.

Верни фанови кои во добри и лоши моменти секогаш ја даваат поддршката од трибините особено на фудбалските, ракометните мечеви…

Поради ситуацијата со ковид-19, како и сите други навивачки групи и љубители на спортот, и тие не се во можност да се вратат во салите, стадионите, но секако со надеж дека наскоро ќе се вратат на трибините и секако се исполни целосната слика на еден спортски натпревар.

Како почеток на создавањето на „Чкембари“ се смета 1985 година, кога на бараж натпреварот за опстанок во Првата Југословенска ракометна лига за мажи помеѓу РК Пелистер и РК Партизан од Бјеловар, од Битола се упатил навивачки караван од 21 автобус, организирани во тоа време под името БМЧМ (Битолчани, Мотокари, Чкембари, Македонци).

Вечерва на „Тумбе кафе“ се прославува 35 роденден со пиротехничко шоу. Можете да погледнете на видео записот како сето тоа изгледаше.