Британските медиуми наведуваат дека раководството на лондонските „сини“ верува дека Челси ќе ја подобри формата во наредниот период.

Првите луѓе на Челси го поддржаа менаџерот Грем Потер по поразот од Саутемптон (0:1) во 24 коло од Премиер лигата, пренесува британски „Експрес“.

Клубот од „Стемфорд Бриџ“ моментно е на 10 место на табелата со 31 бод, а последната победа во Премиер лигата ја постигна на 15 јануари против Кристал палас (1:0). Оттогаш „сините“ забележаа три ремија и еден пораз во домашното првенство, а во средата го загубија првиот осминафинален натпревар од Лигата на шампионите против Борусија Дортмунд (0:1).

По натпреварот со Саутемптон, навивачите побараа Потер да поднесе оставка или да биде сменет. Британските медиуми пренесуваат дека Потер добил поддршка од челниците на клубот да остане на менаџерската позиција, бидејќи раководството на „сините“ верува дека Челзи ќе ја подобри формата во наредниот период.

Потер седна на клупата на Челси во септември минатата година, откако Томас Тухел доби отказ.