Она што многумина го сметаат за здраво всушност и не е добра опција.

Појадокот е, без сомнение, најважниот оброк и со децении е предмет на најмногу дебатирани дискусии. На оваа тема се напишани студии, спроведени се истражувања, се водат дискусии. И денес, лекарите и нутриционистите постојано нагласуваат колку е важен појадокот. Тие наведуваат дека првиот утрински оброк го поттикнува метаболизмот, ги запира ноќните напади на глад, ја спречува дебелината, го намалува ризикот од дијабетес и ја подобрува концентрацијата.

Јасно е дека појадокот не треба да се прескокнува, но и покрај сите истражувања, многумина сè уште се во дилема што всушност да јадат за појадок.

Во желбата да се хранат правилно и здраво, многу луѓе во последниве години сè почесто појадуваат овесна каша, а им ја даваат и на своите деца.

Овесот долго време се промовираше како здрав појадок, но прашање е дали навистина е така.

Студијата на д-р Дејвид Лудвиг од Харвард покажува дека не е. Ако сакате да останете сити подолго време, да ги избегнете нападите на глад и да ги држите под контрола метаболизмот и нивото на шеќер, овесната каша можеби не е најдобриот избор.

Студија: Овесна каша против омлет

Лудвиг им дал на група дебели тинејџери три различни појадоци со приближно исти калории, но различни состави – инстант овесна каша, интегрален иситнет овес и омлет.

Потоа ги затворил во една просторија, им ја мерел крвта на секој час и ги пуштал да се јават со притискање на копче кога ќе огладнеле.

Резултатите беа мошне јасни: групата која јадела овесна каша имала значително зголемено ниво на инсулин, кортизол и адреналин. Тие побрзо огладнувале и изеле 81 отсто повеќе храна од групата која јадела омлет. Дури и групата на оние што го земала интегралниот овес јадела 50 отсто повеќе од групата што јадела омлет.

Зошто овесната каша не е најдобра за појадок

Овесната каша, особено онаа од продавница со додаден шеќер, го зголемува шеќерот во крвта, што доведува до скок, а потоа до пад на инсулинот. И тоа нè прави погладни, па јадеме повеќе. Во исто време, телото го ослободува хормонот на стрес, што го отежнува регулирањето на апетитот и нивото на енергија, пишува thehumanix.com.

Ова е всушност причината зошто оние кои за појадок јадат храна богата со јаглехидрати често се чувствуваат тромо, забавено и мораат да грицкаат нешто пред ручек, а покрај тоа се нарушуваат и други важни процеси во организмот.

Јајцата се подобра опција за појадок

Ако сакате стабилна енергија во текот на денот, помалку напади на глад и подобар метаболизам, протеините и мастите се вистинскиот избор. Јајцата, авокадото, јаткастите плодови или протеинскиот шејк ќе ве одржат подолго сити и ќе помогнат во одржување на стабилниот шеќер во крвта.

Овесот не е нужно лоша опција, но ако сте секогаш гладни откако ќе го јадете и пред ручек мора нешто да грицкате, треба да размислите за нешто друго за појадок.