Розовите дијаманти се исклучително ретки, најчесто барани и многу скапи, а 90 отсто од овие скапоцени камења потекнуваат од сега затворениот австралиски рудник Аргил. Во опсежните истражувања, геолозите дошле до заклучок дека наоѓалиштата на розови дијаманти вусшност се формирале кога се распаднал суперконтинент, пишува „Си-ен-ен“.

Геолозите кои го проучувале наоѓалиштето на розовиот дијамант Аргил во Западна Австралија, во студија објавена во списанието „Нејчр комуникејшн“ („Nature Communications“), нагласуваат дека од научна страна е појасно кои геолошки услови биле неопходни за формирање на овие розови дијаманти, како и дијаманти во други бои.

Користејќи ласери за анализа на минерали и карпи извлечени од наоѓалиштето Аргил, истражувачите открија дека „розовото наоѓалиште“ богато со дијаманти се формирало за време на распадот на древен суперконтинент, пред околу 1,3 милијарди години.

„Додека не се распадна континентот што ја формирала Австралија, областа каде што се наоѓа Аргил била растегната, вклучувајќи и расед, со што се создале празнини во Земјината кора низ кои магмата се издигнала на површината, носејќи со себе розови дијаманти“, објаснува д-р Хуго Олиерук, главниот автор на студијата.

Повеќето наоѓалишта на дијаманти се наоѓаат во средината на древните континенти – во вулканските карпи,  кои одеднаш исфрлиле дијаманти од внатрешноста на Земјата на самата површина.

Меѓутоа, за дијамантите да станат розеви или црвени, тие мора да бидат подложени на интензивните сили на тектонските плочи кои се судираат за да ги искриват и свиткаат нивните кристални решетки. Повеќето кафени дијаманти, исто така се формираат на овој начин.

Во Аргил, овој процес се случил пред околу 1,8 милијарди години кога се судриле Западна Австралија и Северна Австралија, правејќи ги некогаш безбојните дијаманти во розова боја, стотина километри под Земјината кора.

Истражувачкиот тим открил дека наоѓалиштата Аргил се стари 1,3 милијарди години, од кога се распаѓал античкиот суперконтинент. Суперконтинентите, кои се формираат кога неколку континенти се спојуваат за да формираат единствена копнена маса, се појавиле неколку пати во геолошката историја на Земјата. Нуна, позната и како Колумбија и Хадсонленд, е хипотетички суперконтинент кој постоел помеѓу 1,8 и 1,5 милијарди години.

Авторите, исто така, претпоставуваат дека распадот на Нуна можеби повторно го отворил стариот спој што го оставиле континентите кои се судруваат, дозволувајќи им на карпите што носат дијаманти да патуваат низ регионот и да формираат големо наоѓалиште на дијаманти.

Овој синџир на настани, според студијата, покажува дека крстосниците на древните континенти може да бидат важни за пронаоѓање на розови дијаманти – и може да помогнат да се најдат нови наоѓалишта.

„Аргил се наоѓа на крстосница на два од овие древни континенти, а овие рабови се главно покриени со песок и земја, оставајќи ја можноста слични розови дијамантски вулкани сè уште да се еоткриени, вклучително и во Австралија“, заклучува д-р Олиерук.