Мајсторот за боречки вештини и познат актер Брус Ли почина на 32-годишна возраст во 1973 година во Хонг Конг. Аутопсијата во тоа време покажала дека тој починал од оток на мозокот, а лекарите како причина за едемот ја навеле употребата на одредени лекови против болки.

 

View this post on Instagram

 

A post shared by Bruce Lee (@brucelee)

Неговата прерана смрт поттикна гласини дека можеби бил убиен од кинески гангстери, дека го отрула љубоморна љубовница или дека бил жртва на проклетство. Постои и теорија дека настрадал од топлотен удар.

Лекарите сега велат дека Брус Ли најверојатно починал од хипонатремија, пишува „Дејли мејл“.

„Со други зборови, велиме дека бубрегот не можел да го исфрли вишокот вода и затоа Брус Ли умрел“, напиша тим од експерти во списанието „Clinical Kidney Journal“.

Хипонатремија значи дека нивото на натриум во крвта, кој му е потребен на телото за рамнотежа на течности, е ненормално ниско. Тој дисбаланс предизвикува отекување на клетките во телото, вклучувајќи ги и оние во мозокот.

 

View this post on Instagram

 

A post shared by Bruce Lee (@brucelee)

Студијата тврди дека во случајот на Брус Ли имало повеќе фактори на ризик за хипонатремија, вклучително и тоа што пиел големи количини течности, користел марихуана која ја зголемува жедта, а имало и други фактори кои ја намалиле функцијата на бубрезите, како што е употребата на одредени лекови и алкохол.

Сопругата на Брус Ли, Линда, откри дека актерот пред смртта држел диета базирана на сокови од моркови и јаболка.

Иронично, Брус Ли се прослави со цитатот: „Биди вода, пријателе“.

 

View this post on Instagram

 

A post shared by Bruce Lee (@brucelee)

Да напоменеме, оценките на експертите се стриктно поврзани со случајот Брус Ли и не треба да се генерализираат.