Во населбата Дексион ќе се гради нова градинка, за што денеска беше потпишан договор помеѓу Општина Ѓорче Петров и Министерството за социјална политика, демографија и млади. Инвестицијате ќе изнесува 82 милиони денари, а градинката ќе обезбеди простор и услови за згрижување на 120 деца.

Градинката ќе биде изградена на површина од 900 м² и ќе понуди современи услови за раниот развој и подготовка на децата за училиште. Проектот е дел од одлуката на Владата да се доделат средства за капитални инфраструктурни проекти, а се спроведува со поддршка на Министерството за социјална политика, демографија и млади.

Градоначалникот Александар Стојкоски вели дека продолжува реализацијата на проектие за подобрување на условите за најмладите.

Во оваа општина во тек е изградбата на детска градинка во населено место Стопански двор, а започнати се подготовки за нови градинки и во Александрија и Ново Село.