Наполи презеде понатамошни конкретни чекори кон потпишувањето на поранешниот играч Елиф Елмас (25) од РБ Лајпциг, дознава „Фудбал Италија“.

„Наполитанците“ сè уште бараат да додадат уште еден напаѓач во своите редови и моментно се залагаат за враќање на македонскиот репрезентативец Елмас, кој беше продаден на РБ Лајпциг за сума од околу 25 милиони евра во зимата 2023 година.

Изворот пренесува дека нашиот крилен напаѓач има приоритет да се врати во Неапол ова лето, што би било многу добредојдено враќање за тимот на Антонио Конте.

Понатамошни чекори за постигнување договор ќе бидат преземени во следните неколку дена.

Досега, сопствениците на германскиот РБ Лајпциг сè уште не ја разгледуваат идејата да го испратат Елмас на позајмица во новата сезона, но Наполи останува уверен дека ќе можат да постигнат договор.

Елмас овој период тренира одделно во Германија и чека новости од кампот на Наполи, поради што одвои време за други заинтересирани екипи, меѓу кои е и Торино, каде што ја помина втората половина од сезоната 2024-25 на позајмица.