Локалниот весник Solinger Tageblatt објави дека три лица загинале, а најмалку девет се повредени, од кои неколку се во животна опасност. По нападот, градот Солинген целосно ја откажа прославата на 650-годишнината. Настаните планирани за викендот исто така се откажани, соопштија од градот.

Инцидентот се случил на Фронхоф, пазар во центарот на градот, каде што била поставена музичка сцена. Билд објави дека човекот по случаен избор ги избодел случајните минувачи за време на фестивалот на годишнината на градот.

Властите побараа од жителите да го напуштат центарот на градот по нападот. Полицијата прогласи тревога и повика на потера. Вооружени полицајци беа на лице место и опколија големи области на градот. Поставени се и бариери низ градот.

На терен се и специјалните полициски единици од целиот регион Северна Рајна-Вестфалија. Солинген има околу 160.000 жители.

Се наоѓа во близина на поголемите градови Келн и Дизелдорф во најнаселената германска провинција.

Германската министерка за внатрешни работи Ненси Фесер изјави дека е „исклучително вознемирена“ од „бруталниот напад“ синоќа во Солинген.

Според најновите извештаи, три лица загинаа, а осум се повредени во нападот во градот во западната покраина Северна Рајна Вестфалија. Потрагата по напаѓачот продолжува.

Нападот се случи додека десетици илјади луѓе се собраа во Солинген за да ја прослават 650-годишнината од основањето на градот.

-Безбедносните служби прават се што е во нивна моќ да го уапсат сторителот и истражуваат што довело до нападот – напиша Фезер утринава на социјалната мрежа Х