Три инциденти во училишта во Скопје се пријавени вчера во полиција.

Првиот се слулил вчера во 9.45 часот во двор на основно училиште во Центар воскопје. Татко пријавил дека син му го нападнале неколку лица, од кои едниот го познавал.

– Според пријавеното, на 22.05. и на 23.05.2025 неговиот син на социјална мрежа добивал закани од ист профил – сопшти МВР.

Наставник во средно училиште во Чаир пријавил дека го напдал поранешен ученик во училиштето.

– На 23.05.2025 околу 10.50 часот во СВР Скопје, К.В.(45) од Скопје, наставник во средно училиште на подрачје на Чаир, пријавил дека во 10.20 часот во дворот на училиштето, а подоцна и пред училиштето бил физички нападнат од поранешен 15-годишен ученик во училиштето. Се преземаат мерки за расчистување на настанот – велат од МВР.

Скопјанка пријавила дека во училиште во Центар ја нападнал обезбедувањето на училиштето.

– На 23.05.2025 во 15.00 часот во СВР Скопје, А.А.(45) од Скопје пријавила дека околу 11.00 часот на влезот на основно училиште на подрачјето на Центар во Скопје била физички нападната од С.П., вработен како обезбедување во училиштето. По целосно документирање на случајот ќе следува соодветен поднесок – соопшти МВР.