Во денешниот напад на конвој на ОН во источен Конго, починаа две лица – италијанскиот амбасадор и еден војник кој бил во негова придружба.

Лука Атанасио загина во Националниот парк Вирунга додека патувал како дел од конвој, рекол портпаролот на паркот за италијанските медиуми, додавајќи дека нападот е обид на киднапирање на дипломати на ОН.

Ројтерс пренесува дека италијанското министерство за надворешни работи потврдило дека амбасадорот Атанасио починал во болница, откако бил ранет во нападот и изразуваат длабоко жалење за неговата смрт.

Во околината на паркот Вирунга, кој се наоѓа долж границата на Конго со Руанда и Уганда, дејствуваат неколку вооружени групи и често ги напаѓаат ренџерите кои го чуваат националниот парк.