Одделот за внатрешна контрола, криминалистички истраги и професионални стандарди при МВР поднесе кривична пријава против полициски службеник С.С., поради сомнение за сторено кривично дело „несовесно работење во службата“ по член 353-в од Кривичниот законик.

Според пријавата, на 12 август 2025 година, при вршење на своите должности во Полициската станица за гранична контрола на „Меѓународен аеродром Скопје“, пријавениот не извршил пасошка контрола на патник кој бил евидентиран на СТОП листата на МВР со мерка „апси“ при влез во државата.

Со ваквото несовесно постапување, полицаецот му овозможил на патникот да влезе преку државната граница, со што го ставил во поволна состојба, му овозможил лична корист и нанел штета на угледот на Министерството за внатрешни работи.