Најславниот џокеј на светот Детори не сака да се пензионира ни на 52-годишна возраст
Италијанцот, кој веќе 37 години е базиран во Британија, се пишмани и го откажа планот да се пензионира, туку ќе се пресели и ќе јава во САД, во Саудиска Арабија и во Дубаи
Најславниот џокеј на светот, Италијанецот Френки Детори (52), кој победил на повеќе од 3.300 трки само во Британија, ќе се пресели во Калифорнија.
Препорачано
Италијанскиот џокеј требаше да се пензионира на крајот на 2023 година, но тој ја промени својата одлука и ќе продолжи да јава коњи првенствено во САД, но и на Блискиот Исток.
– Сè уште не се чувствувам подготвен да се откажам. Ќе поминам некое време во САД, па ќе видам. Би можел да бидам таму три месеци или три години, не знам – рече Италијанецот кој се трка во Британија 37 години.
Детори меѓу другото е познат по тоа што победи на сите седум трки во текот на едно попладне на познатата патека Аскот во 1996 година, што ги чинеше обложувалниците милиони фунти во исплати.
Детори очекува да биде со полно работно време во Санта Анита, североисточен Лос Анџелес, од почетокот на следната година и има за цел да се трка на познатото Кентаки дерби во мај. Тој може да се натпреварува и на големи трки во Саудиска Арабија и Дубаи.
