Пробиотиците се форма на добри бактерии кои се наоѓаат во цревата со важни улоги во нашето тело, од апсорпција на хранливи материи до имунолошка сила и стабилност. Сепак, ова не се сите нивни корисни намени, пишува „Е-клиника“.

Дали е неопходно да се земаат пробиотици од суплементи?

Не само што пробиотиците се неопходни за варењето, туку има и бројни други здравствени придобивки од консумирањето храна богата со пробиотици.

Според една студија објавена во списанието „ISRN Nutrition“, пробиотиците исто така можат да им помогнат на луѓето да го намалат нивото на холестерол, да ги заштитат од алергии, да помогнат во спречување малигни тумори и други болести.

Но, не треба секогаш да купувате скапи суплементи за да ги добиете потребните пробиотици. Постои важен услов за ова: мора да консумираме пробиотска храна секојдневно. Важно е да бидете правилно информирани за тоа како да ги вклучите овие намирници во вашите оброци со цел максимално да ги искористите придобивките од пробиотиците за подобрување на функцијата на цревата и зајакнување на имунитетот.

Зошто ни се важни пробиотиците?

Покрај горенаведеното, пробиотиците помагаат и при:

• повисоко ниво на енергија со апсорпција на витамин Б12
• борбата против кандида
• поздрава кожа (влијае на егзема и псоријаза)
• полесно закрепнување од настинки и грип
• помага во лекување на цревни заболувања, вклучително и воспалителни
• подобра контрола на тежината.

Еве кои намирници се најсилните природни пробиотици.

Кефир

Овој ферментиран млечен производ е уникатна комбинација од млеко и ферментирани зрна кефир. Се консумира повеќе од 3.000 години, потекнува од Русија и Турција и значи „да се чувствуваш добро“. Има малку кисел вкус и содржи од 10 до 34 видови на пробиотици.

Слично е на јогуртот, но бидејќи се ферментира со квасец и со повеќе бактерии, финалниот производ содржи повеќе пробиотици и помалку лактоза. Ова го прави соодветен избор за многумина кои се нетолерантни на лактоза.

Кисела зелка

Интересно е што киселата зелка не е лидер во разновидноста на пробиотски соеви, но е богата со органски киселини кои влијаат на размножувањето на добрите бактерии. Има висока содржина на витамин Ц и дигестивни ензими. Исто така е добар извор на природни бактерии на млечна киселина, како што е лактобацилот.

Комбуха

Комбухата е необична, лигава печурка во форма на конус, формирана од симбиотска колонија на бактерии и квасец. Познат е повеќе од 2.000 години, со потекло од Јапонија. Постојат многу докажани тврдења за квалитетот на комбухата, но нејзините примарни здравствени придобивки се за варење, зајакнување на енергијата и детоксикација на црниот дроб.

Јогурт

Веројатно најпопуларната пробиотска храна е култивираниот пробиотски јогурт направен од кравјо, козјо или овчо млеко. Заедно со кефирот, тој е рангиран меѓу најдобрите пробиотски намирници доколку потекнува од органски одгледани животни и не е пастеризиран.

Нутриционистите препорачуваат јогурт направен од козјо или овчо млеко.

Квас

Оваа моќна состојка е вообичаен ферментиран пијалак во Источна Европа уште од античко време. Традиционално, се прави со ферментирање на ‘рж или јачмен, а интересно е што во последниве години, во некои земји, се прави со користење на пробиотско овошје и цвекло заедно со друг корен зеленчук, како што се моркови.

Сурово сирење

Козјото, овчо млеко и меките кравји сирења се особено богати со пробиотски бактерии, вклучувајќи ги соевите термофилус, бифудус, булгарикус и ацидофилус . Секогаш купувајте сирови и непастеризирани сирења ако сакате да извлечете максимум од пробиотиците, бидејќи на пастеризираните и преработените сорти им недостасуваат корисни бактерии.

Јаболков оцет

Освен што го контролира крвниот притисок, го намалува нивото на холестерол, ја подобрува чувствителноста на инсулин, па дури и слабеењето, јаболковиот оцет може да помогне и во зголемувањето на внесот на пробиотици. Пијте по малку секој ден (лажичка наутро) или користете го како прелив за салата за да ги максимизирате резултатите.

Кисели краставици и корнишони

Краставиците и корнишоните се неоправдано недоволно препознатлив извор на пробиотици. Кога купувате кисели краставички, задолжително изберете помал производител на храна, по можност органска.  Доаѓа зима а со неа и подготовките за зимата. Па, не избегнувајте краставици, но внимавајте да не користите премногу конзерванси и сол.