Најмалку 49 тела се извлечени од Атлантскиот Океан по повеќе од 48 часа од потонувањето на брод со мигранти во близина на Мавританија, Северозападна Африка, а десетици луѓе се водат како исчезнати, соопшти денеска крајбрежната стража.

Според претходниот биланс, како што пишуваат медиумите, 49 луѓе се удавиле, а околу стотина исчезнале на 80 километри северно од главниот град Нуакшот.

Претставник на крајбрежната стража претходно изјави дека на бродот имало 160 лица и дека само 17 преживеале.