Најмалку 68 лица загинаа при потонувањето на брод што превезувал мигранти крај брегот на Јемен, соопшти денес Меѓународната организација за миграција (ИОМ) за АФП, додавајќи дека судбината на десетици други е непозната.

„Во овој момент, 68 лица на бродот ги загубија животите, но само 12 од 157 патници се спасени. Судбината на исчезнатите останува непозната“, рече Абдусатор Ешоев, шеф на мисијата на ИОМ во Јемен.

Претходен извештај од извори во безбедносните сили вчера, во недела, зборуваше за најмалку 27 мртви.