Најмалку 29 тела на мигранти се пронајдени на две локации во Либија
Најмалку 29 тела на мигранти се пронајдени на две локации во Југоисточна и Западна Либија, објави во четвртокот Службата за безбедност и либиската Црвена полумесечина.
Препорачано
-
1
-
2
-
3
Дирекцијата за безбедност на Алуахат соопшти дека 19 тела биле пронајдени во масовни гробници во фарма во областа Џихара, на околу 440 километри од Бенгази, вториот по големина град во Либија. Според истиот извор, се верува дека смртните случаи се поврзани со трговија со луѓе.
Дирекцијата за безбедност објави фотографии на Фејсбук на кои се гледа како полицајци и волонтери од либиската Црвена полумесечина ставаат тела во црни пластични кеси.
Во меѓувреме, либиската Црвена полумесечина доцна синоќа преку Фејсбук објави дека нејзините доброволци рано вчера ги извлекле телата на 10 мигранти, откако бродот на кој се наоѓале потонал кај пристаништето Дила, во градот Завија, на околу 40 километри од главниот град Триполи.
#Libya 06.02.25 – Ras Al-Hilal Police Dept. found a wooden boat washed ashore in Al-Barada. During inspection no persons were found on board, only scattered inner tubes and debris which suggests that the boat was used by #migrants for illegal crossing. #migrantcrisis #Frontex pic.twitter.com/yVfYER7kNK
— Migrant Rescue Watch (@rgowans) February 6, 2025
Црвената полумесечина постави снимка на која се гледа како нејзините волонтери ставаат безживотни тела во бели пластични кеси и пишуваат бројки на нив.
Во присуство на „обвинителството на Џалу“, безбедносната дирекција на Алухат извести дека „можела да извлече 19 тела“ на луѓе, чии смртни случаи ги поврзува со „трговија со луѓе и нелегални имиграциски активности во областа Џихара“, кои ги припишува на „познат синџир на трговија со луѓе“.
Тој појасни дека на фармата биле пронајдени три гробници во кои имало едно, четири и четиринаесет тела. Тој додаде дека жртвите се однесени во канцеларијата на лекарски вештак за „потребните прегледи“.
На крајот на јануари, криминалистичката истражна служба во Алуахат објави дека 263 мигранти од различни земји во субсахарска Африка кои биле „држени од банда шверцери во многу лоши услови“ биле ослободени од хуманитарни и здравствени организации.
Либија, која западна во хаос по соборувањето на режимот на полковникот Моамер Гадафи во 2011 година, постепено стана центар за нерегуларна миграција во Европа преку Медитеранот.
