Најмалку 24 лица беа убиени, а 37 беа ранети утрово кога израелските сили отворија оган врз цивилите кои чекаа хуманитарна помош во Рафах на југот од Појасот Газа, изјави генералниот директор на болницата Насер во Кан Јунис.

Тој изјави дека сите ранети се однесени во болница и дека повеќето од нив имаат прострелни рани, објави Би-би-си.

Претходно, Ројтерс, повикувајќи се на неколку медиуми во Газа, објави дека најмалку 20 Палестинци беа убиени, а неколку беа ранети додека чекаа хуманитарна помош во новоотворениот дистрибутивен центар во Рафах трето утро по ред.