Најмалку 12 лица загинаа откако бомбаш-самоубиец денеска се заби во приватна компанија за обезбедување која работи за ОН во главниот град на Сомалија, Могадишу, соопшти полицијата, пренесува Ројтерс.

„Силна експлозија уништи неколку згради и цивилни возила, при што загинаа најмалку 12 невини луѓе”, велат од полицијата.

Полицијата наведува дека 20 лица се повредени, меѓу нив и ученици.

Засега никој не ја презеде одговорноста за нападот.

Фундаменталистичката група Ал Шабаб често ја презема одговорноста за слични напади.