Најмалку 11 лица загинаа, а 47 се повредени во стампедо пред стадион за крикет во индискиот град Бенгалуру, каде што навивачите се собрале за да ја прослават првата титула на „Ројал Челинџерс Бенгалуру“ во индиската Премиер лига (IPL), соопштија властите.

Главниот министер на Карнатака, Сидарамаја, рече дека толпата се обидела да скрши една од портите на стадионот се со цел да се придружи на прославата.

Сидарамаја рече дека повеќето од повредените се во стабилна состојб, објави АП.

„Во моментот на прославата, таков несреќен настан не требаше да се случи. Тажни сме. Бројот на навивачи што дојдоа ги надмина сите наши очекувања “, рече тој.