Најмалку 10 лица загинаа денеска во сообраќајна несреќа во југозападен Иран, јавија локалните медиуми.

Агенцијата ИРНА јави дека несреќата се случила откако камион удрил во минибус кој превезувал работници на патот што ги поврзува градовите Хорамшар и Ахваз во провинцијата Кузестан.

Меѓу загинатите има и возач на камион и девет работници во минибусot, додека 13 повредени се пренесени во локалните болници.

Во Иран често се случуваат верижни судири. Во март во ваква несреќа загинаа 14 лица.

Околу 17.000 луѓе годишно гинат во сообраќајни несреќи во Иран. Несреќите се случуваат поради непочитување на сообраќајните прописи, небезбедни возила и несоодветни служби за итни случаи.