Питите од лиснато тесто полнети со месо, сирење и зеленчук се исклучително популарни во Австралија и Нов Зеланд. Не само што се вкусни грицки, туку се и многу практично јадење што можетеда го јадете за ручек или вечера.

Токму затоа питите од лиснато тесто се идеални за носење на работа, пикник или која било друга прилика каде што имате ограничен прибор за јадење.

Ако користите готово лиснато тесто, овие пити може да се подготват за пократко време отколку што обично е потребно.

Состојки:
• 2 пакувања готово лиснато тесто
• 450 г мелено говедско месо
• 400 мл супа од месо
• 100 г рендан кашкавал по избор (на пр. бел чедар )
• 3 лажици брашно
• 1 јајце
• 1 кромид
• 1-2 чешниња лук
• 1 лажичка Ворчестершир сос
• маслиново масло
• сол и бибер по желба

Подготовка:
1. Во тава загрејте малку масло и на неа пропржете го сечканиот кромид околу две до три минути додека не омекне.
2. Потоа додадете сецкан лук и пржете сè заедно уште една минута.
3. Додадете мелено говедско месо во тавата и пржете околу пет до шест минути додека месото не стане кафено. Додадете сол и бибер по желба.
4. Додадете го брашното, добро измешајте и оставете сè заедно да се готви околу една минута.
5. Прелијте го месото со густин и сос Ворчестершир. Кога смесата ќе зоврие, намалете ја топлината и варете додека сосот не се згусне, околу шест до осум минути.
6. Префрлете го филот со месо во сад и оставете го да се излади на собна температура. Потоа ставете го во фрижидер да се излади најмалку 60 до 120 минути.
7. Лиснатото тесто извадете го од фрижидер. Развлечете ги двете пакувања тесто на дебелина од околу три милиметри.
8. Користејќи чаши или секачи за колачиња, исечете еднаков број кругови со дијаметар од 10 сантиметри и 8 сантиметри . Ставете го тестото на хартија за печење и оставете го во фрижидер најмалку 30 минути.
9. Намачкајте ја внатрешноста на калапот за мафини и на дното ставете поголеми кругови лиснато тесто.
10. Лиснатото тесто прелијте го со изладениот и приготвен фил од месо во кој сте додале малку рендан кашкавал.
11. Покријте ги месото и кашкавалот со помал исечен круг лиснато тесто и спојте ги рабовите за да не истече филот при печењето.
12. Се мати јајцето и со него се премачкуваат врвовите од подготвените мини пити. Врвот на питите избоцкајте ги со вилушка.
13. Подготвените пити ставете ги во замрзнувач околу 15 минути пред печењето. За тоа време загрејте ја рерната на 220 степени Целзиусови.
14. Изладените пити печете ги во рерна околу 20 до 25 минути додека тестото целосно не се испече. Изладете малку пред сервирање. Добар апетит!