Огледалата во просторот може да играат повеќе улоги, кои ќе зависат од самиот избор на огледалото и местото на негово поставување. Тие овозможуваат визуелни интервенции во просторот, а со тоа негова естетска корекција. Со нив ентериерот може да биде поширок, подолг или повисок.  Исто така, огледалото е одличен елемент за декорација на простори и успешно се вклопува во сите стилови на уредување.

Освен визуелното зголемување на просторот, огледалото со рефлексијата ја пренесува и дневната светлина, која на тој начин може да се пренесе во потемните делови од просторијата.

Бања

Првото место на кое помислуваме кога станува збор за огледало е бањата. Над мијалникот е најпопуларното место. Ова го олеснува одржувањето на хигиената, па дефинитивно треба да остане на ова место. Ако имате простор, поставете уште едно огледало на ѕидот спроти огледалото на мијалникот.

Спална соба

Огледалото со целосна должина е идеално решение за секоја спална соба! Ако имате доволно голем ѕид, закачете го таму, а ако немате, може да се најде на вратата од спалната соба, плакарот или дури и внатре во плакарот. Ова ќе го направи облекувањето многу попрактично.

Простор околу масата

Ако вашето биро е свртено кон ѕид, размислете да поставите огледало над него, поточно на ѕидот зад бирото. Тоа ќе ви помогне да ја направите вашата домашна канцеларија поголема, да се чувствувате поудобно и секогаш ќе знаете што се случува зад вас.

Во близина на влезната врата

Одлична идеја е да поставите огледало некаде во близина на влезната врата. Уште подобро ако под неа има маса.Ќе можете двојно да го проверите изгледот во последен момент пред да излезете.