Денеска во првиот од двата контролни натпревари македонската сениорска машка ракометна репрезентација во СЦ „Борис Трајковски“ – Скопје ја совлада Грција со 33:30.

После првите 30 минути нашите најдобри ракометари исто така имаа три голови разлика (18:15). Највисоката позитива македонската селекција во текот на натпреварот ја стекна во текот на вториот дел кога изнесуваше „плус седум“ (26:19).

Тоа беше втор тест за избраниците на селекторот Кирил Лазаров во подготовките за настапот на Европското првенство во Германија (10-28 јануари 2024 година).

Како што е најавено, од затворен тип ќе биде утрешниот втор пријателски меч меѓу Македонија и Грција.

Во составот на Лазаров недостасуваа Н. Маркоски поради повреда и Пешевски поради болест.

Во денешниот дуел најефикасен во нашите редови беше Лазаревски со осум голови, два помалку запиша Ненад Костески. Голманот Митревски придонесе во триумфот со осум одбрани.

На спротивната страна прв стрелец беше Палијапас со девет постигнати голови.