Кошаркарот на Олимпијакос, Бугаринот Саша Везенков кој беше најдобар стрелец во Евролигата во регуларниот дел од сезоната кариерата ќе ја продолжи во НБА лигата, најверојатно во редовите на Сакраменто.

Се уште не е официјално, но информацијата веќе ја објавија поголем број американски медиуми. Тренерот на Сакраменто, Мајк Браун го следел Везенков во текот на целата сезона, а го следеше во живо и натпреварот против Фенербахче во Пиреја.

Везенков сезонава во просек постигнуваше 17.2 поени по натпревар и го предводеше Олимпијакос до првото место во регуларниот дел од сезоната и фајнл-форот во Каунас каде што се пласираа со победа против Фенер.

Олимпијакос во петок ќе со Монако ќе се бори за пласман во финалето на Евролигата.

Бугаринот Везенков прв стрелец во Евролигата