Најбогатите француски милијардери Бернар Арно, Франсоаз Бетенкур Мејерс и Франсоа Пино изгубија околу 70 милијарди долари од своето богатство оваа година, бидејќи побарувачката за луксузни стоки опадна, а политичката нестабилност ја ограничи потрошувачката.

-Компанијата ЛВМХ на Бернар Арно, козметичкиот гигант Лореал во сопственост на Бетенкур Мејерс и компанијата Керинг на Пино, се меѓу најголемите губитници за оваа година на париската берза, а акциите на Керинг, сопственик на брендот Гучи, паднаа за дури 41 отсто од почетокот на годината, пренесува Блумберг.

Се очекуваше дека кинеските потрошувачи ќе бидат двигател на растот на продажбата во 2024 година, но овие предвидувања не се остварија, коментира Ариана Хајат, менаџер на фондови во финансиската групација Едмонд де Ротшилд.

Според неа, на пазарот има одреден „луксузен замор“ по три години исклучителен раст на побарувачката.

Кинеските купувачи потрошија помалку од предвиденото, а стабилната политичка сцена во Франција го намали интересот на инвеститорите за имотот на таа земја .

Продажбата на луксузни стоки и козметика порасна по пандемијата на коронавирус кога потрошувачите имаа повеќе пари за трошење по заклучувањето, но сега тој тренд е обратен.

Членот на инвестициската комисија на компанијата Кармињак, Кевин Тозе, смета дека почнувајќи од 2023 година, луксузниот сектор едноставно се „враќа во реалноста“ по неколку многу успешни години.