epa08694836 Galatasaray's Younes Belhanda celebrates after scoring the 1-0 lead during the UEFA Europa League third qualifying round soccer match between Galatasaray and Hajduk Split in Istanbul, Turkey, 24 September 2020. EPA-EFE/SEDAT SUNA

Најбизарен отказ во фудбалот: Не ти се допаѓа теренот, тогаш си одиш од клубот

Поранешниот шампион на Турција не простува критики.

Францускиот фудбалер Јунес Беланда по три ипол години и одигран 131 натпревар на кои постигна 22 гола и има 26 асистенции, буквално е избркан од Галатасарај.

Причината поради која челниците на Галатасарај го истераа Беланда од клубот бидејќи ја критикуваше управата за лошиот терен на кој играат фудбалерите. Беланда во ремито против Сиваспор (2:2) изјави дека е тешко да се игра во такви услови.
– Навистина е тешко да се направи резултатски пресврт кога теренот е во вака очајна состојба. Челниците на Галатасарај мораат да пронајдат решение. Наместо што се рекламираат преку Твитер, Инстаграм и слични медиуми, подобро е да се заинтересираат за теренот – изјави Беланда во неделата.

Наредниот ден Беланда повторно се огласи и порача дека приговорите беа упатени за вработените кои се задолжени за одржување на теренот, а не кон челниците на клубот. Сепак, тоа не му беше простено и доби отказ.
„Во интервјуто кое го даде за Беин Спорт по натпреварот со Сиваспор, Беланда кажа зборови кои го нарушија угледот и репутацијата на управата на клубот“, стои во соопштението на Галатасарај.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот