Цистерните кои носат течен природен гас (ЛНГ) го менуваат курсот во Атлантикот и се упатуваат кон Европа, бидејќи сопствениците на карго профитираат на пазарот погоден од загубата на рускиот гас, пишува Политика.рс. Според податоците на ИЦСИД, најмалку седум танкери со ЛНГ кои ги напуштија САД нагло се пренасочија од нивните првични рути и се упатија кон север овој месец. Шест брода пловеле за Ртот Добра надеж и Азија, додека еден за Колумбија, но сите сега се упатуваат кон европските пристаништа, покажуваат податоците. Некои бродови „направија доста драматични пресврт во својот тек“, изјави за Фајненшл тајмс, Алекс Фроули, аналитичар на пазарот во ИЦСИД.

„Необично е да се видат толку многу промени на курсот и толку многу очигледни пренасочувања. Пренасочувањата на танкери се добар пример за тоа како Европа си пукаше во нога со санкционирање на Москва за Специјалната воена операција во Украина и префрлување на „алтернативни“ извори на снабдување – Америка, чиј ЛНГ е поскап. Во исто време, новиот американски претседател Доналд Трамп ја предупреди ЕУ дека ќе им воведе царини доколку не купат повеќе американски гас и нафта. Цените во Европа останаа високи, поради истекувањето на договорот за транзит на Украина во средината на зимата кога побарувачката за гас е најголема. На почетокот на оваа недела, фјучерсите на ТТФ скокнаа на 50 евра, блиску до нивните највисоки нивоа од октомври 2023 година.