Легендарната италијанска дива Софија Лорен на 20 септември го прослави својот 91. роденден во Женева, опкружена со најблиските. Славењето, кое го организираше нејзиното семејство, стана вистински празник на стилот и љубовта, а детали од вечерта сподели нејзината снаа, холивудската актерка Саша Александер, која е од српско потекло.

„Среќен роденден, Софија! Те сакаме!“, напиша Александер на Инстаграм, објавувајќи фотографии од свечената атмосфера и роденденската торта на една од најубавите жени во историјата на филмот.

На прославата, до синовите на славната актерка, Едоардо и Карло Понти помладиот, седеше и мајката на Саша Александер, Добрилa Добрињаковиќ (89) од Белград, во јавноста позната како Лула. Сваќата на Софија Лорен предизвика воодушевување со својот изглед, држење и елеганција, покажувајќи дека годините се навистина само бројка.

„Живеат со љубов и со јасна цел, затоа и изгледаат толку беспрекорно,“ напиша Александер, опишувајќи ја неверојатната харизма на својата мајка и свекрвата Софија Лорен.

Александер, чие вистинско име е Сузана С. Добрињаковиќ, е 53-годишна актерка родена во Лос Анџелес, но со гордост го истакнува своето српско потекло. Течниот српски јазик веќе неколку пати го демонстрираше во американски телевизиски програми.