Новата подземна железница во Солун, која се отвори во ноември по 30-ина години изградба, услужила над милион патници во првиот месец од функционирањето, јавија грчките медиуми.

Според надлежните, отворањето на метрото резултирало со 15.000 помалку возила во центарот на вториот по големина грчки град.

Министерството за внатрешни работи соопшти дека метрото во Солун во првиот месец најмногу го користеле млади луѓе, а најмногу сообраќај имало во попладневните часови. Забележано е нормализирање на сообраќајот на главните булевари во градот и на солунската обиколница, велат надлежните.

Изградбата на системот на подземната железница, според проценките, чинела околу 3,2 милијарди евра.