Министерството за образование и наука ги објави квотите за упис во прва година – прв циклус на студии на јавните високообразовни установи во академската 2024/2025 година.

На Универзитетот „Кирил и Методиј“ – Скопје има вкупно 9.921 слободно место, од кои 4.761, се за редовни кои се финансираат од Буџетот и плаќаат 200 евра партиципација, а 4.210 се за редовни со школарина, кои плаќаат по 400 евра.

Најмногу слободни места има на Факулететот за информатички науки и компјутерско инжиерство (ФИНКИ) – 1020 и на Природно-математичкиот факултет – 1030 слободни места.

Првиот уписен рок на факултетите е кон крајот на август, додека вториот и третиот уписен рок се во септември.