На анестезиологот Валон Дервиши од клиничката болница Тетово му се заканува одземање на лиценцата за работа на 7 години, откако таков предлог даде Лекарската комора по инцидентот во кој лекарот ги снимаше пациентките од гинеколошкото одделение и во живо ги емитуваше на социјалната мрежа ТикТок.

-За жал, ја искористил својата позиција и ги нарушил правата на пациентите, а со тоа го нарушил и угледот на нашата професија. Се одржа вонреден состанок и по деталната расправа, комисијата донесе одлука за поведување случај пред судот на честа. Пријавата е прифатена против Ваљон Девиши со предлог привремено одземање на лиценцата за работа, рече претседателката на Лекарската Комора доктор Калина Гривчева-Старделова.

Лекарската комора појасни дека лиценцата не може да се одземе трајно во конкретниот случај зашто за трајно одземање на лиценцата е потребна судска одлука и тешки последици по здравјето на луѓето.

-Изразуваме најдлабоко жалење и во име на целата струка се извинувам до сите пациентки кои лежеле беспомошно, а биле снимани без да бидат прашани – изјави претседателката на лекарската комора.

Суспендиран тетовскиот анестезиологот, директорот на болницата го пријавил во полиција