Репрезентацијата на Србија неочекувано го заврши својот настап на Евробаскетот уште во осминафиналето, откако загуби од Финска со резултат 92-86. Поразот предизвика бурни реакции во јавноста, а натпреварот имал и драматична завршница надвор од теренот.

Како што пренесуваат српските медиуми, на познатиот спортски коментатор Слободан Шаранец му се слошило веднаш по завршувањето на средбата. Коментаторот кој работи за „РТС“ веднаш со возило на брзата помош бил пренесен во болница каде што му била укажана помош.

Според последните информации, Шаранец е во стабилна состојба, а дополнителни детали околу неговото здравје се очекуваат во текот на денот. Шаранец ја следеше репрезентацијата на Србија и ги пренесуваше сите натпревари на овој Евробаскет.

ВИДЕО | Заврши Евробаскет за Србија, во четвртфиналето ќе игра Финска