Во Узбекистан на референдум беше прифатен пакет уставни амандмани со кои на претседателот Шавкат Мирзијојев ќе му се овозможи да се кандидира за уште два седумгодишни мандати, по завршувањето на сегашниот во 2026 година, покажаа денеска прелиминарните резултати.

Според тие резултати, 90,21 отсто од гласачите на референдумот во неделата гласале за промена на уставот, објави Ројтерс.

Мирзијоев (65) ја отвори економијата на поранешната советска република кон светот и значително ги подобри односите со Западот, потсетува британската агенција.

Агенцијата вели дека западните партнери на Ташкент веројатно нема да одобрат проширување на претседателските овластувања, но Узбекистан презема мал ризик, имајќи предвид дека Западот бара поддршка од поранешните советски земји во напорите да ја изолира Русија поради војната во Украина.