На навивачите ќе им биде забрането да пијат алкохол на стадионите на Светското фудбалско првенство во 2034 година во Саудиска Арабија, објави „Гардијан“.

Алкохолот е забранет во оваа муслиманска земја од 1952 година. ФИФА не се огласи јавно на оваа тема, но извори од англиските медиуми тврдат дека не станува збор за продажба на пиво на натпреварите.

Неименуван извор изјавил за „Гардијан“ дека ФИФА извлекла лекција од Светското првенство во Катар, која била под притисок да прифати продажба на пиво на стадионите, но владејачкото семејство Ал-Тани се откажа од планот два дена пред турнирот.

Десетици илјади буриња со пивото на познатата компанија беа отстранети од стадионот и ФИФА мораше да плати отштета од 40 милиони фунти на својот спонзор, додава Гардијан.

Безалкохолно пиво и безалкохолни пијалоци се продаваа на стадионите во Катар, а редовното пиво беше достапно во една фан зона на ФИФА, каде половина литар чинеше 12 фунти (14,5 евра).