Сè е подготвено за големата прослава на „Енфилд“, фудбалерите на Ливерпул денеска ќе го пречекаат Тотенхем на домашен терен во 17.30 часот и еден бод им е доволен за да ја освојат својата 20 титула во Премиер лигата.

Секако, филозофијата на тренерот на клубот Арне Слот не е да се задоволи со бод, па затоа „Црвените“ ќе одат на победа и на овој натпревар, што го најавува холандскиот стручњак.

– Цела година се бориме за ова. Дојдовме во ситуација каде што можеме да ја освоиме титулата пред нашите навивачи и ќе направиме сѐ што можеме да ја искористиме. Сепак, не заборавајте дека Тотенхем е многу квалитетен тим кој има свои амбиции во овој натпревар и мораме да бидеме максимално фокусирани за да ја исполниме целта и да ги направиме нашите навивачи среќни – рече Слот.

Според медиумските извештаи на Островот, работата на домашните играчи би можела да се олесни бидејќи Тотенхем доаѓа на „Енфилд“ многу опуштен.

Очигледно, во Лондон решиле да одморат неколку играчи пред натпреварот од Лигата на Европа против Бодо Глимт закажан за следната недела, што е од најголема важност за тимот на Анге Постекоглу, бидејќи имаат амбиции да триумфираат во ова натпреварување, додека од друга страна се наоѓаат на дури 16 позиција на табелата во Премиер лигата.

Anfield awaits. pic.twitter.com/vVrnlHQ6Fs

— Liverpool FC (@LFC) April 26, 2025