Британската кралица Елизабета Втора почина на 8 септември на 96-годишна возраст во својата летна резиденција во Балморал. Нејзиното Величество беше најдолговечниот британски монарх – на тронот беше цели 70 години. Покрај тоа што беше кралица на Обединетото Кралство, таа беше и монарх на 16 земји од Комонвелтот и исто така врховен поглавар на англиската црква.

Кралскиот протокол наложувал на британската кралица сите да ѝ се обраќаат на одреден начин, посебно ако тоа го прави некој кој не е член на кралското семејство. Сепак, постоела една личност која ѝ се обраќала по име.

Кралскиот експерт Ричард Фицвилијамс во една прилика открил дека ретко некому кој се сретнувал со кралицата Елизабета му е дозволено да ѝ се обраќа по име. Фицвилијамс открива дека човекот кому му било дозволено да ја вика Елизабета, е некој кому таа му се воодушевувала. Тоа бил Нелсон Мендела.

Според Зелја ла Гранж, некогашната лична асистентка на господинот Мендела, односот меѓу него и кралицата се сметал за необичен и исклучителен, а таа тврди дека сето тоа било изненадувачко.

„О, Елизабета, би рекол кога би ја поздравил и таа би одговорила, Здраво, Нелсоне. Мислам дека беше еден од ретките кои ѝ се обраќаа по име и тоа беше забавно“, вели Гранж.

Мендела и кралицата биле толку блиски што во текот на неговите посета на Велика Британија тој себеси си дозволил да рече: „Елизабета, малку сте ослабела!“, на што таа делувала видно задоволна.