Велика Британија е една од првите земји во светот која, благодарение на голем број родителски иницијативи, може да ги забрани или ограничи паметните телефони на малолетници и деца до одредена возраст- пишува „Политика.рс“.

Последен учесник во овој тренд е британската телекомуникациска компанија ЕЕ, која започна своја кампања. За, како што велат, да обезбедат заштита на децата во дигиталниот свет, издадоа насоки за родителите да појаснат кога децата треба да имаат на располагање некаков мобилен уред.

Така, ЕЕ ги подели младите корисници во три групи: оние до 11 години, од 11 до 13 и од 13 до 16 години. Тие сметаат дека децата до 11 години треба да користат само класични мобилни уреди со основни функции (а не таканаречени паметни), кои би им овозможиле да се јавуваат или разменуваат пораки и да ја спречат нивната изложеност на социјалните мрежи и несоодветната содржина.

Средната возрасна група веќе би можела да има на располагање паметен уред, но со вклучени мерки за заштита на родителите, кои ќе обезбедат пристап само до дозволената содржина и во ограничен опсег. Сè уште не се препорачува користење на социјалните мрежи. Советите се дека тие можат да бидат дозволени само за оние над 13 години, но со родителски надзор и, ако е можно, корисничка сметка поврзана со сметката на родителот. Исто така, на возраст од 13 до 16 години, треба да се активираат ограничувања за содржина, страници и платформи несоодветни за таа возраст.

– Зголемената изложеност на паметните телефони може да биде предизвик за родителите. Потребна им е поддршка, поради што воведуваме нови упатства за нивна употреба кога се во прашање најмладите корисници. Веруваме дека тоа ќе им помогне да ги донесат најдобрите одлуки за нивните деца додека растат – изјавија од ЕЕ.