Од Авто мото сојузот на Македонија информираат дека на граничните премини Табановце и Богородица утринава времето на чекање е околу 30 минути, додека пак на останатите гранични премини од македонска страна нема подолги задржувања за влез и излез од земјава.

Оттаму велат дека од денеска до 16 септември 2025 година, на делницата Градско – клучка Дреново, која е дел од експресниот пат А1 и Коридорот 10д, ќе има изменет режим на сообраќај поради градежни активности на делницата, со што сообраќајот ќе биде пренасочуван и регулиран со поставена соодветна сообраќајна сигнализација.

Од АМСМ апелираат за прилагодена брзина на движење, особено на патиштата низ котлините, речните долини и клисурите, каде има можност од појава на одрони, особено кај делниците Катланово – Велес, Маврово – Дебар – Струга, Виница – Берово и Кочани – Делчево.