На делегацијата на Европската унија, предводена од комесарот за миграција Магнус Брунер и министрите од Италија, Малта и Грција, денеска ѝ беше забранет влез во источниот дел на Либија, кој го контролира владата со седиште во Бенгази.

Министрите беа прогласени за персона нон грата и веднаш им беше наредено да ја напуштат земјата, по пристигнувањето за состанок со паралелната власт на Осама Хамад, сојузник на воениот командант Калифа Хафтар, објави Ројтерс.

Ова се случи откако претходно делегацијата се сретна со меѓународно признатата влада во Триполи. Владата во Бенгази претходно предупреди дека странските посетители мора да добијат дозвола за движење низ земјата.

Либија, поделена од 2014 година поради фракциски конфликти, останува клучна транзитна точка за мигранти на пат кон Европа.