Американската актерка Минди Кејлинг (45), која доживеа светска слава со својата улога во комичната серија „Канцеларијата“ („The Office“), откри дека годинава станала мајка по третпат.

„Ја родив ќерка ми Ана на крајот на февруари. Таа е најдобриот роденденски подарок што можев да го замислам. Кога ми е тешко и кога се вртам кон цинизмот, моите три деца ми се потсетник на чистата радост во мојот живот“, напиша актерката во описот на својата објава, споделена на денот на нејзиниот роденден (24 јуни).

Имено, Кејлинг веќе е мајка на две деца – тригодишниот син Спенсер и шестгодишната ќерка Кетрин. И своите претходни бремености ги чуваше во тајност до крај. Исто така, непознат е и идентитетот на таткото на нејзините деца.