Еден од најголемите музички авторитети од екс-југословенската сцена, Бајага и неговите Инструктори, ова лето ќе го одржат својот единствен концерт во Македонија и тоа во Битола!

Настанот е закажан за 27 јули (сабота) со почеток во 21 часот, на Ракометното игралиште во Битола, само неколку дена пред празникот Илинден. Публиката ќе има можност да ужива во повеќе од два и пол часа безвременски хитови.

Оваа музичка вечер се очекува да биде еден од врвните културни настани во Македонија ова лето, привлекувајќи фанови од сите краеви на земјата.

Билетите, во ограничен број, ќе бидат пуштени во продажба од петок, 4 јули во 10 часот наутро, по цена од 900 денари. Може да се набават онлајн преку avalonbooking.mk, во агенцијата „Ариес травел“ и во сите продажни места на Димпо тобако во Битола.

Настанот е во организација на продукцијата „Авалон“, кои најавуваат вистинска музичка магија под отворено небо.